Fit Vital Aktiv Hotel DAS LUDWIG

Wir waren als größere Gruppen im "Das Ludwig" - davo 9 Kinder und 10 Erwachsene und uns hod's alle recht guad gfoin. Außerdem waren no drei Hund mit daba und da kumma bloß sagen, dass der gegenüberliegende Park optimal war. Aber a'd Zimmer ham bassd und as Essen war guad. S'oanzige wos ma mir a bißi schod gfuna ham war, dass der Thermenbereich so goa nix für die Kinder geboten hat. Hätt ma uns etza scho denkt ... so ois "Kinderhotel". Aber dafür hod erna der Kinderclub mozz daugt. Und as Personal war uneingeschränkt wirkla freindla!

Zimmer ham daugt für uns. Des waren etz zwar ned de allermodernsten, aber mir hamma alles ghabt wos ma braucht ham. Mei Bruada hod sei Frau und de vier Kinder dabei ghobt, der war ganz begeistert vo de drei Zimmer nebaranand.

As Essen hod uns a recht guad gschmeckt. Bis af des Mittagessen für'd Kinder ... de Chicken Nuggets de waren nimmer so da Burner, genauso wia d'Nudeln mit da Tomatensauce. De Nudeln warn sowos vo gstarrad ... des war nix gscheids. Des mit de Drinkflaschal war dafür a echt guade Idee.

Wia omad scho gsagt, waren wirkla alle im "Ludwig" dodal freindla und nett. Ogfangd vo da Rezeptionsdame bis hi zum Portier - da hod's moi goa nix gem. Bloß an oam Abend hamma recht lang woatn miassn bis uns epa bedient hod, weil hervornand d'Bar so voi war, aber mei ... da war hoid recht vü los. Irgendwann hamma na scho epse griagt. Und am naxtn Dog samma oafach im Restaurant sitzad bliem .... da hamma nachad glei eps griagd bzw. einfach weida drunga.

Aufgrund dessen, dass ma mir de drei Hund daba ghobt hom, war'd Lage gegenüber vom Hotel optimal. Mei ... und Ausflüge hamma ned wirkla oi gmocht!

Beliebte Aktivitäten

• Sonstiges

Ja wia scho gsagt, der Thermenbereich is scho guad und recht, aber unsa Mädal hod gsagd, dass ihr des Bad da unt scho a wenge langweilig is, weil da gibt's ned amoi an Kinderbereich. Und so ganz unrecht hod's ja a ned ghabt. Aber dafür hod ihr der Kinderbereich umso bessa gfoin. Wos ma toll gfuna hammand war, dass uns der Rezeptionist am ersten Dog af'd Nacht extra nomml afgsperrt hod, damit ma nomoi eine kinnan. Des is echt amoi a netter Service.